सेलू (प्रतिनिधी)
येथील प्राथमिक शाळेत दि. 05 फेब्रुवारी 2025 रोजी वार्षिक स्नेहसंमेलनाचा कार्यक्रम संपन्न झाला. या कार्यक्रमास अध्यक्ष म्हणून मा. श्री. मकरंद दिग्रसकर,प्रमुख पाहुणे- मा.डॉ. श्री .एन.टी कुंदनानी (एम.डी.बालरोग तज्ञ) तसेच मा.श्री. दत्तराव पावडे, मा.श्री.राजेश गुप्ता, मा. श्री. संपतराव खरात उपस्थित होते..शालेय मुख्याध्यापक मा.श्री. बेंडसुरे एस. डी. यांनी कार्यक्रमाचे प्रास्ताविक केले.ज्येष्ठ शिक्षक श्री. सावरगावकर पि.के यांनी शालेय अहवालाचे वाचन केले. पाहुण्यांचा परिचय ज्येष्ठ शिक्षक श्री. पांडे यु.जी.यांनी दिला.. कार्यक्रमात बाल सभेतर्फे सांस्कृतिक कार्यक्रम व नाट्यीकरण सादर करण्यात आले. कार्यक्रमात गुणवत्ता पारितोषिक, कृष्णरूप सज्जा व विषय स्पर्धा पारितोषिक, तसेच विविध क्रीडा स्पर्धेचे बक्षीस वितरण करण्यात आले. कार्यक्रमाचे सूत्रसंचालन व आभार बाल सभेचे चिमुकले विद्यार्थी कु. ढाकणे अनया व चि. इंगळे पृथ्वीराज यांनी केले. या कार्यक्रमाच्या यशस्वीतेसाठी शाळेतील सर्व शिक्षक व शिक्षकेतर कर्मचाऱ्यांचे तसेच पालकांचे सहकार्य लाभले..