दरवर्षी प्रमाणे यावर्षी सेलू शहरातील श्री.भगवान परशुराम जन्मोत्सव समिती सेलू आयोजित गुणवंत विद्यार्थी सत्कार व समाजभूषण पुरस्कार वितरण समारंभाचे आयोजन दि.22 जून 2024 रोजी सायंकाळी 05 वाजता श्री साई नाट्य मंदीर येथे करण्यात आले आहे. या कार्यक्रमाच्या अध्यक्ष स्थानी मा.श्री गोविंद भाऊ जोशी (शेतकरी संघटना) हे उपस्थित राहणार आहेत.प्रमुख उपस्थिती म्हणून मा.श्री बाजीराव भैया धर्माधिकारी (माजी नगराध्यक्ष परळी वैजनाथ) यांची उपस्थिती लाभणार आहे. विशेष उपस्थिती म्हणून मा.सौ अश्विनी ताई मंडलिक (प्रसिद्ध मूर्तिकार,पुणे) यांची उपस्थिती लाभणार आहे. प्रमुख पाहुणे म्हणून मा.श्री दीपक रणवरे (सामाजिक कार्यकर्ते) तसेच मा.श्री रामराव सावंगीकर मामा (सामाजिक कार्यकर्ते) मा.डॉ.सुनील कुलकर्णी (ह्रदयरोग तज्ञ) मा.डॉ.जयश्री सोन्नेकर (शिक्षिका) यांची उपस्थिती लाभणार आहे. समाजभूषण पुरस्काराचे मानकरी मा.श्री.यशवंत चारठाणकर (संगीत क्षेत्र), मा.श्री.देविदास सोन्नेकर (क्रीडा क्षेत्र), मा.प्रा.संजय पिंपळगाव कर (अध्यात्मिक क्षेत्र) यांना समाजभूषण पुरस्काराने सन्मानित करण्यात येणार आहे. गुणवंत विद्यार्थी सत्कार समारंभ व समाजभूषण पुरस्कार वितरण समारंभासाठी सर्वांनी उपस्थित राहावे असे आवाहन श्री भगवान परशुराम जन्मोत्सव समिती सेलू यांच्या वतीने करण्यात येत आहे.
