सेलू शहरातील श्री.परशुराम जन्मोत्सव समिती सेलू आयोजित शारदीय नवरात्र उत्सवानिमित्त 121 कुमारिका पूजन कार्यक्रम श्री.केशवराज बाबासाहेब महाराज मंदिर मंगल कार्यालय सेलू येथे मोठ्या भक्तीमय वातावरणात संपन्न झाला. या कार्यक्रमासाठी कुमारिका व महिला माता भगिनी व पुरुष मोठ्या संख्येने उपस्थिती होते. श्री.जगदंबा माता,श्री.भगवान परशुराम,ग्रामदैवत श्री.केशवराज बाबासाहेब महाराज यांच्या प्रतिमेचे पूजन व दिपप्रज्वलन करून कार्यक्रमाची सुरुवात करण्यात आली. तसेच 121 कुमारीकेचे विधिवत पुरोहित यांच्या मंत्रघोषात पुजन करून प्रत्येक कुमारिकेला समितीच्या वतीने भेट वस्तु देण्यात आली. या आगळ्या वेगळ्या धार्मिक कार्यक्रमासाठी श्री.परशुराम जन्मोत्सव समिती महिला व पुरुष सदस्य यांनी मोठे सहकार्य केले व परिश्रम घेतले.