सेलू : ब्राम्हण समाजाचे श्रद्धास्थान असलेल्या भगवान परशुराम यांचा जन्मोत्सव दि.१० मे रोजी सायंकाळी ५:०० वाजता होणार आहे. त्यानिमित्ताने श्री. परशुराम जन्मोत्सव समितीच्या वतीने साईबाबांचे गुरू ग्रामदैवत श्री. केशवराज बाबासाहेब महाराज यांच्या मंदिरात शोभायात्रा पत्रिकेचे अनावरण करण्यात आले. श्री. परशुराम जन्मोत्सव समितीच्या वतीने धार्मिक कार्यक्रम, समाजातील गुणवंत विद्यार्थ्यांचा सत्कार असे विधायक उपक्रम घेतले जातात. शोभायात्रेत सहभागी होण्याचे आवाहन समितीच्या वतीने करण्यात आले.
या शोभा यात्रेचे प्रमुख आकर्षण म्हणून ढोल ताशा पथक,श्री परशुरामाचा सजीव देखावा,भव्य परशुशास्त्र भगवान,श्री परशुरामांची मूर्ती,श्री परशुरामाची पालखी,महिला भजनी मंडळ व बाजीराव पेशवे व काशीबाई यांचा सजीव देखावा अशा विविध आकर्षणासोबत पारंपारिक पालखी मार्गाने या शोभा यात्रेची सुरुवात होणार आहे