सेलू (प्रतिनिधी)
जिल्हा परिषद प्राथमिक शाळा,शिराळा येथील शाळेतील नवोदय विद्यालयात निवड झालेल्या अविष्कार साखरे व आराध्या लंगडे तसेच आय एम विनर परीक्षेतील गुणवंताचा सत्कार करण्यात आला.
याप्रसंगी कार्यक्रमाचे अध्यक्ष शाळेचे मुख्याध्यापक श्री जगदाळे सर होते तर प्रमुख पाहुणे म्हणून शालेय शिक्षण समिती अध्यक्ष अशोक खेडेकर, नबाजीभाऊ खेडेकर, लक्ष्मणभाऊ बुरेवार, दिलीप बुरेवार, संतोष शिंदे, भगवान आयेवार, दत्तराव खेडेकर, विष्णू आयेवार आदी उपस्थित होते.
कार्यक्रमाचे सूत्रसंचालन कु. सपना खेडेकर व कु. कार्तिकी खेडेकर यांनी केले. कार्यक्रमाचे प्रस्ताविक बाळासाहेब झोरे यांनी तर आभार प्रदर्शन नावडकर सर यांनी केले.
या कार्यक्रमाच्या यशस्वीतेसाठी धोपटे सर, पंडित सर, नावडकर सर, मिरगे मॅडम , खंडागळे मॅडम यांनी प्रयत्न केले.