🌱 सेलू शहरातील सर्व संघटनांनीनिसर्ग वारी काढत अनोख्या पद्धतीनेकेले वृक्षारोपण !💧 १६ लिटर पाणी क्षमतेच्या ट्री गार्डचेमान्यवरांच्या हस्ते लोकार्पण

मोरया प्रतिष्ठान परिवाराच्या वतीने सेलू शहरात सुरू असलेल्या वृक्ष लागवड व संवर्धन मोहिमेअंतर्गत आज उपविभागीय पोलीस अधिकारी कार्यालयात निसर्ग वारी काढत १६ लिटर पाणी क्षमतेच्या अनोख्या ट्री गार्ड चे सेलू शहरातील विविध क्षेत्रातील संघटनेच्या हस्ते लोकार्पण करत वृक्षारोपण करण्यात आले.या उपक्रमासाठी उप विभागीय पोलिस अधिकारी श्री दिलीप टिपरसे साहेब,उपविभागीय अधिकारी सौ.संगीता सानप,तहसीलदार श्री दिनेश झांपले,सेलू पोलिस स्टेशनचे पोलिस निरीक्षक श्री दीपक बोरसे,सेलू व्यापारी असोसिएशनचे श्री अजित बिनायके,सेलू भूषण तथा उद्योजक श्री जयप्रकाशजी बिहानी यांची प्रमुख उपस्थिती लाभली.उपक्रमाच्या प्रारंभी मान्यवरांचे स्वागत करत मोरया प्रतिष्ठानचे अध्यक्ष श्री अभिजित राजूरकर यांनी प्रास्ताविक करत प्रतिष्ठानच्या वतीने हाती घेण्यात आलेल्या वृक्ष लागवड व संवर्धन मोहिमेची माहिती उपस्थितांना देत १६ लिटर पाणी क्षमतेचे अनोखे ट्री गार्ड झाडांच्या संगोपनासाठी कसे उपयुक्त ठरू शकते हे विशद केले यासोबतच सेलू येथील सर्व संघटना मोरया प्रतिष्ठानच्या उपक्रमात तन मन धन अर्पण करत सक्रिय सहभागी असतात त्याबद्दल सर्व संघटनेच्या प्रतिनिधींचे आभार मानले.तहसीलदार श्री दिनेश झांपले यांनी पर्यावरणाचा समतोल राखण्यासाठी वृक्ष लागवड व लावलेल्या वृक्षाचे संवर्धन करणे गरजेचे असल्याचे सांगत मोरया प्रतिष्ठानच्या माध्यमातून होत असलेल्या मोहिमेचे कौतुक केले.उद्योजक श्री जयप्रकाश बिहानी यांनी प्रत्येक नागरिकाने आपल्या परिसरात किमान ०२ वृक्ष लागवड करून त्याचे संगोपन केले तर आपल्या परिसरात तापमान कमी होण्यास नक्कीच मदत मिळेल हे विशद करताना सामाजिक दयित्वाची जाण ठेवून कार्य करणाऱ्या मोरया प्रतिष्ठान परीवाराला तन मन धनाने सहकार्य करण्याचे आवाहन करत सेलू व्यापारी असोसिएशनच्या वतीने ₹ २५०००/- मोहिमेस जाहीर केले.प्रमुख अतिथी म्हणून मार्गदर्शन करताना उपविभागीय पोलिस अधिकारी श्री दिलीप टिपरसे साहेब यांनी उपक्रमाला यायला उशीर झाल्यामुळे उपस्थितांसमोर दिलगिरी व्यक्त करत सेलू शहर हे सांस्कृतिक तथा सामाजिक वारसा जपणारे शहर म्हणून परिचित असल्याचे ऐकिवात होतो आज प्रत्यक्षात मोरया प्रतिष्ठानच्या वतीने घेण्यात येत असलेल्या उपक्रमात अनुभवता आले असे सांगितले. मानवी आयुष्य हे निसर्गावर अवलंबून असून महाराष्ट्रातील संतांनी आपल्या अभंगातून वृक्षाचे महत्व उपदेशातून सांगितलें आहे त्याचे अनुकरण करणे हे नागरिक म्हणून आपले कर्तव्य असल्याचे सांगत हा निसर्गाचा वारसा आपल्याला संपती प्रमाणे जतन करून पुढील पिढीला सुपूर्त करावा असे आवाहन करत मोरया प्रतिष्ठान परिवाराच्या मोहिमेला शुभेच्छा दिल्या. या नंतर उपस्थितांच्या वतीने निसर्गावारी काढत विठू माऊलीच्या मुर्तीचे पूजन करून वृक्षारोपण करण्यात आले.

या उपक्रमासाठी सेलू व्यापारी असोसिएशन,पत्रकार संघ,वकील संघ,इंडस्ट्रिअल असोसिएशन, फर्टीलायझर असोसिएशन,सिव्हील इंजिनियर असोसिएशन,सुवर्णकार असोसिएशन,रेल्वे प्रवासी संघ,हरित वृक्ष महिला मंडळ,सेलू महिला मंडळ,राजस्थानी महिला मंडळ,निरंकारी मंडळ, पेंशनर्स असोसिएशन, खानीचा मारोती कृती समिती,शिवप्रतिष्ठान हिंदुस्थान सेलू विभाग,शिवा संघटना,राम बाग मित्र मंडळ,मेडिकल असोसिएशन,महेश सेवा मंच,पतंजली योग समिती,आर्ट ऑफ लिव्हिंग समिती,नाभिक संघटना,शुभंकरोती फाऊंडेशन,रुग्णवाहिका ड्रायव्हर संघटना,नूतन शिक्षण संस्था,परशुराम जन्मोत्सव समिती,सेलू पोलीस स्टेशनचे कर्मचारी,महसूल प्रशासन कर्मचारी,मोरया प्रतिष्ठानचे सहकारी यासह सेलू शहरातील लहान मुलांपासून ते ज्येष्ठ नागरिकांपर्यंत निसर्गप्रेमी नागरिकांची उपस्थिती होती. उपक्रमाचे सूत्रसंचालन श्री सुभाष मोहकरे यांनी केले तर आभार श्री सुजित मिटकरी यांनी मानले.

या निसर्गवारीच्या माध्यमातून सेलू शहरातील उपस्थित झालेल्या सर्व सन्माननीय संघटनांचे प्रतिनिधी यांचे मोरया प्रतिष्ठान परिवाराच्या वतीने मनपूर्वक आभार !